O programa achega diagnósticos de competitividade e servizos de mellora para que as empresas localicen e superen as súas debilidades nos diferentes ámbitos de xestión.
A Consellería de Economía e Industria impulsará en 2015 a mellora da competitividade de ao redor de 300 pymes no marco da segunda edición do programa ReAcciona.
Esta iniciativa ten o obxectivo fundamental da "profesionalización" das pequenas e medianas empresas, especialmente as de menor tamaño, para que poidan crecer e gañar tamaño.
Para isto búscase potenciar as competencias e habilidades do capital humano das empresas, co fin de que as melloras introducidas na xestión poidan ter carácter permanente.
Deste xeito, o programa achega diagnósticos de competitividade e servizos de mellora para que as empresas localicen e superen as súas debilidades nos diferentes ámbitos de xestión.
O programa está activado para recibir, a través da web do Igape (www.igape.es/reacciona) as solicitudes das empresas interesadas, que recibirán resposta "case inmediata" á súa demanda de servizos.
Durante a primeira edición, o Igape impulsou máis de 500 proxectos de mellora da competitividade que beneficiaron a ao redor de 330 empresas. Algúns dos sectores dos que se rexistrou máis demanda destes servizos avanzados foron os de transporte e turismo, TIC, agroalimentario ou manufectureiro en xeral.