Un traballador do servizo de limpeza do Concello de Oleiros, na área metropolitana da Coruña, foi atropelado hoxe por un taxi.
O operario traballaba de mañá, arredor das 11.00 horas, na estrada dos Regos, cando sufriu o aparatoso atropelo.
Segundo explica a Axencia Galega de Emerxencias, tras o suceso foi solicitada a intervención da Garda Civil, da Policía Local e dos servizos sanitarios de emerxencia.
Despois do seu traslado ao servizo de Urxencias do Hospital San Rafael detectáronlle, entre outras contusións, fracturas en ambas as dúas pernas que o manterán de baixa durante varias semanas.