Os concellos da área metropolitana terán actividades diversas nas próximas fins de semana
Os concellos da área metropolitana terán actividades diversas nas próximas fins de semana. O núcleo de As Pontes, en Loñoá (Pereiro de Aguiar), acollerá os vindeiros 5 e 6 de agosto a primeira edición da xuntanza moteira "Terras de Aguiar". Esta concentración de motos terá lugar nun recinto pechado, será de acceso totalmente gratuíto e ofrecerá acampada libre para os participantes que o desexen. O sábado contará cunha churrascada ás 22,00 horas, seguida da actuación do DJ Camilo a partir da medianoite. O domingo haberá unha ruta polo municipio.
Por outra banda, o Concello de Taboadela organiza como todos os veráns a tradicional "Festa da Familia", cuxa edición deste ano será a número 23. O prato forte será a celebración dun xantar entre todas aquelas familias que acudan ao evento, ademais de xogos e moita música. A festa celebrarase o vindeiro 12 de agosto e terá lugar no monte de San Xoán.
