Esta enquisa estará aberta para ser enchida a través dun Google Docs ata o vindeiro 19 de novembro
nnn O Concello de Amoeiro vén de lanzar unha enquisa destinada a que os veciños da localidad poidan expresar o grao de satisfacción vital de forma totalmente anónima e así poder facer un balance da situación e do grao de felicidade dos cidadáns do municipio.
O Concello lanzou nas súas comunicacións oficiais unha experiencia "pioneira" na que tratará de saber se a poboación de Amoeiro está satisfeita coa súa vida.
Para iso, cada veciño deberá responder a cinco preguntas mediante as que poderá indicar o seu grado de acordo respecto das afirmacións que se formulan (estas preguntas constitúen a escala elaborada por Diener et al. en 1985).
O nivel de acordo marcarase nunha escala de cinco puntos, que varía desde 1 (que significa "Totalmente en desacordo") ata 5 (que significa "Totalmente de acordo"), distribuíndose a totalidade da escala deste xeito.
NA WEB E EN PAPEL
Esta enquisa estará aberta para ser enchida a través dun Google Docs ata o vindeiro 19 de novembro e posteriormente informarase á cidadanía dos resultados obtidos. "Está tendo moito éxito e unha participación moi alta, e xa que sabemos que hai xente que non ten acceso a internet, remitirémola tamén por correo normal", sinalou onte o alcalde da localidade, Rafael Rodríguez Villarino.
