O público 'está respondendo á nosa chamada'. O lema deste ano era 'Tócache!' e con el o Festival de Cine quería implicar directamente á sociedade no seu proxecto, na súa edición número XVI. O pasado martes, día 18, a organización do OUFF superaba o ecuador con éxito. 'A organización, o equipo, a programación que ofertamos, está funcionado'. Quen fala é Diego González, que este ano asumiu o rol de voceiro dun certame no que a resposta do público 'está sendo moi grata'. O número de asistentes a cada proxección vai en aumento, demóstrao a ocupación das salas.
As boas cifras están complacendo ós que dende xaneiro traballan arreo para organizar toda a programación. Pero hai outra cousa que sorprende entre o equipo coordinador. O habitual nun festival de cine é que as longametraxes sexan as grandes triunfadoras. E aquí, en Ourense, iso acontece unha vez máis. Pero as súas irmás pequenas véñenlle seguindo a pista a poucos pasos. 'están tendo moito público'. O motivo ven de longo, segundo Diego González, que o ve na proxección de 'curtas de calidade durante todo o ano'. A xente, acostumada á programación invernal, 'míraas coa garantía do que vai ver alí'.
A calidade semella estar garantida ó falar co voceiro do OUFF. Pero vén do proceso de selección. En realidade, o valor das obras xa chega dado, 'nós o único que temos que facer é reproducila'. Este ano, a reducción dos orzamentos cífrase nuns 100.000 euros e, por iso, 'tivemos que artellar mecanismos para que nos afectara o menos posible'. Con todo, a organización non está rexistrando incidencias nas proxección e iso que o cartel completo case acada as 200 sesións. Este alto número aumenta as probabilidades de que 'algo falle', de que se rexistren 'pequenos problemas técnicos'. A maxia, neste caso, está en que 'o público non os perciba'.
Cada éxito non é froito da casualidade, senón producto dun traballo que dura meses. Durante a programación anual, os membros do equipo organizativo ten oportunidade de coñecer as virtudes e erros de cada unha das salas do Cinebox onde proxectan e tratan de minimizalos de cara ó festival. Este ten corrido estes días con normalidade e 'iso para nos xa é estupendo', afirma Diego González.
Que todo vaia ben, segundo o previsto; esa é a máxima que perseguen. 'O OUFF ten varias fases'. Pasada a primeira, 'na que vimos que toda a programación funciona', agora comeza unha segunda parte 'na que temos que ver se continúa aumentando o público'. González entende este certame cinematográfico como unha 'oportunidade para proxectar traballos de calidade que por desgracia non chegan a Ourense nin o farían de ningún outro xeito'.
A competición, a sección máis demandada á hora de mercar as entradas, rexistra cada día, nas tres funcións previstas, unha ampla asistencia. Pero apartados fóra de competición, como é o perfilado este ano para o xénero cómico, 'teñen funcionado bastante ben'.
O sábado terá lugar a gala de clausura do OUFF. Será entón cando a organización entregue os diferentes galardóns programados. Os máis agardados son o do público e o do xurado. Para o segundo, é difícil saber cal será o nome escollido, posto que os seus membros atópanse en proceso de selección. O do público, pola contra, déixase ver na afluencia ás salas.
A calidade semella estar garantida ó falar co voceiro do OUFF. Pero vén do proceso de selección. En realidade, o valor das obras xa chega dado, 'nós o único que temos que facer é reproducila'. Este ano, a reducción dos orzamentos cífrase nuns 100.000 euros e, por iso, 'tivemos que artellar mecanismos para que nos afectara o menos posible'. Con todo, a organización non está rexistrando incidencias nas proxección e iso que o cartel completo case acada as 200 sesións. Este alto número aumenta as probabilidades de que 'algo falle', de que se rexistren 'pequenos problemas técnicos'. A maxia, neste caso, está en que 'o público non os perciba'.
Cada éxito non é froito da casualidade, senón producto dun traballo que dura meses. Durante a programación anual, os membros do equipo organizativo ten oportunidade de coñecer as virtudes e erros de cada unha das salas do Cinebox onde proxectan e tratan de minimizalos de cara ó festival. Este ten corrido estes días con normalidade e 'iso para nos xa é estupendo', afirma Diego González.
Que todo vaia ben, segundo o previsto; esa é a máxima que perseguen. 'O OUFF ten varias fases'. Pasada a primeira, 'na que vimos que toda a programación funciona', agora comeza unha segunda parte 'na que temos que ver se continúa aumentando o público'. González entende este certame cinematográfico como unha 'oportunidade para proxectar traballos de calidade que por desgracia non chegan a Ourense nin o farían de ningún outro xeito'.
A competición, a sección máis demandada á hora de mercar as entradas, rexistra cada día, nas tres funcións previstas, unha ampla asistencia. Pero apartados fóra de competición, como é o perfilado este ano para o xénero cómico, 'teñen funcionado bastante ben'.
O sábado terá lugar a gala de clausura do OUFF. Será entón cando a organización entregue os diferentes galardóns programados. Os máis agardados son o do público e o do xurado. Para o segundo, é difícil saber cal será o nome escollido, posto que os seus membros atópanse en proceso de selección. O do público, pola contra, déixase ver na afluencia ás salas.
