As deputacións de Ourense e León colaboran no proxecto 'Empleaverde' que ten como obxectivo dinamizar o turismo sostible, potenciar o emprego xuvenil e favorecer a creación de 'empresas verdes', vencelladas co medio ambiente, o co turismo accesible, ecolóxico e sostible. O proxecto está financiado polo Fondo Social Europea a través da Fundación Biodiversidade, coa colaboración das dúas deputacións.
Así se detalla no compromiso que o presidente da Deputación de Ourense, Manuel Baltar, en calidade de presidente do Inorde, asinou para o desenvolvemento deste proxecto, cuxa finalidade é a realización de actividades para a profesionalización e creación de emprego no ámbito do turismo sostible e de natureza.
'Empleaverde' consta de seminarios estudos, actividades de formación e publicacións, que conforman un plan estratéxico en favor do desenvolvemento turístico sostible en espazos protexidos das provincias de Ourense e León. Esta colaboración entre ámbalas dúas administracións públicas permitirá levar a cabo en Ourense dous seminarios: un sobre a Carta europea de turismo sostible e outro sobre Gastronomía, para debater sobre produtos autóctonos e de tempada (castaña, pataca, setas e horta) e turismo gastronómico.
'Empleaverde' consta de seminarios estudos, actividades de formación e publicacións, que conforman un plan estratéxico en favor do desenvolvemento turístico sostible en espazos protexidos das provincias de Ourense e León. Esta colaboración entre ámbalas dúas administracións públicas permitirá levar a cabo en Ourense dous seminarios: un sobre a Carta europea de turismo sostible e outro sobre Gastronomía, para debater sobre produtos autóctonos e de tempada (castaña, pataca, setas e horta) e turismo gastronómico.
