As temperaturas mínimas sufrirán un descenso, polo que as primeiras horas do día serán de sensación térmica de frío.
As altas presións entrarán este venres de novo en Galicia, de forma que configurarán unha xornada de estabilidade atmosférica, segundo Meteogalicia.
O ceo quedará en xeral pouco anubrado ou despexado, con algunhas nubes baixas no extremo norte da comunidade. Durante a noite unha fronte pouco activa deixará algunha chuvia débil no litoral norte.
As temperaturas mínimas sufrirán un descenso, polo que as primeiras horas do día serán de sensación térmica de frío, mentres que as máximas estarán sen cambios significativos.
Os ventos soprarán de compoñente norte, frouxos a primeiras horas, e aumentarán en intensidade co avance do día, ata alcanzar intervalos fortes nas Rías Baixas.
