VIDA

Cita coa natureza e a gastronomía

A Asociación Cultural Entroido As Bonitas de Sande, Concello de Cartelle, organizaron a súa “I Andaina de Magosto”, un evento no que se deron cita natureza, deporte e gastronomía.  

A xornada deu comezo coa saída dos preto de 140 participantes dende o local social de Sande. A ruta levou aos camiñantes a través de veredas e bosques autóctonos pasando polo Castelo (Ben de Interese Cultural dende 1492, e en estado de deterioro), as pedras de Rosende, a canteira privada das Penelas, e os núcleos de Oleiros, A Teixugueira e Madarnás. A fin de festa foi un magosto a base de churrasco, chourizos, castañas e bica e foliada nas Adegas de Mogos.