Os rapaces de 6 a 14 anos que participan semanalmente nas actividades de Amencer pasaron unha fin de semana de convivencia no albergue salesiano en Allariz, onde celebraron a tradicional festa de imposición de símbolos: a festa do pano.
Os obxectivos foron convivir cos compañeiros de Trisquel dunha maneira positiva, destacando a simboloxía e a importancia do pano e os demais símbolos do grupo e facendo chegar ás familias dos participantes a importancia da pertenza aos grupos de Saltimbanquis, Andaina e ADS.
O sábado tiveron lugar unhas actividades por movementos con xogo de noite. Onte preparouse a Eucaristía, despois fixéronse xogos con acollida ás familias dos rapaces, unha foto de lembranza, para finalizar a festa coa Eucaristía na Igrexa de San Pedro.
