A organista Marisol Mendive foi, como é habitual, a encargada de impartir unha clase maxistral sobre a historia e características do instrumento
Centros educativos de Moaña, Fene e Celanova participaron onte nos concertos didácticos de órgano, que cada ano reciben a centos de escolares de toda Galicia no Mosteiro de San Salvador. Nesta ocasión, tamén o secretario xeral de Cultura, Anxo Lorenzo, tivo ocasión de coñecer de primeira man esta actividade.
A organista Marisol Mendive foi, como é habitual, a encargada de impartir unha clase maxistral sobre a historia e características do instrumento. Lorenzo sinalou o órgano celanovense como "un dos máis importantes de Galicia".