O certame incluirá proxeccións de longametraxes, de curtos a concurso e concertos, entre outras actividades
O Festival de Cans, que se celebra cada ano nesta parroquia do municipio pontevedrés de O Porriño, contará na súa oitava edición coa presenza dos cineastas Isabel Coixet, Fernando León de Aranoa e Jorge Coira, que participarán en diversos coloquios.
Este festival galego, que mobilizará a toda a parroquia de Cans dende o mércores 18 ata o domingo 21 será o escenario da estrea da longametraxe 'Doentes', de Gustavo Balza e do documental 'Escoitando o xuíz Garzón', de Coixet, co que xa acudiu ao Festival de Berlín.
Tamén haberá un 'semiestreno', o de '18 +1 comidas' de Jorge Coira, que lle suma á película máis premiada do ano en Galicia -'18 comidas'-, unha comida máis. Ademais, proxectarase outro documental, 'Brasil somos nós', dirixido por Robert Bellsolà, protagonizado por Carlos Núñez, quen tamén acudirá ao festival porriñés co director do filme.
No apartado titulado 'Coloquios na leira e arredores', unha nova versión dos xa tradicionais 'coloquios na leira de Alicia' de edicións anteriores, estarán Coixet -o sábado na Leira de Alicia-, Fernando León -o venres no Baixo de Bugarín- e Jorge Coira - xoves no Círculo Recreativo Cultural de O Porriño-.
En canto á proposta musical, o festival reunirá bandas como Sinistro Total, El Gran Wyoming e Los Insoventes, Eladio e Los Seres Queridos, diversos DJ, Xurxo Souto e The Turre' s Band, aínda que tamén haberá un oco para a música máis popular no 'Serán dos veciños'.
CAN CAMPUS
Como novidade este ano, celebrarase, en colaboración coa Universidade de Vigo, o Can Campus, que se concibe como un punto de encontro coa Facultade de Ciencias Sociais e da Comunicación de Pontevedra e que persegue o obxectivo de fomentar o videoclip.
No marco desta experiencia, na que participaron máis de 50 persoas, proxectaranse dúas pezas realizadas: un videclip e o 'making of'.
Tamén continuando no ámbito audiovisual, emitiranse proxeccións inéditas e, por suposto, os curtos, que son os verdadeiros protagonistas do festival.
Este ano, poranse á venda 800 entradas que darán acceso ás salas na que se proxectarán, o sábado, os curtos de ficción e animación a concurso.
Ademais, entre os diversos galardóns que se entregarán, a Asociación Cultural Arela, organizadora do festival, entregará o premio de honra 'Pedigree '11' á actriz María Pujalte.
O festival completarase con outras actividades, como procesións e desfiles dos xa tradicionais 'chimpibuses' e a inclusión de novas figuras homenaxeadas no particular paseo da fama de Cans, o 'Torreiro das Estrelas', entre outras. Por outra banda, o 25 de maio, os curtos gañadores do certame proxectaranse no Bar Liceum de O Porriño.
Este festival galego, que mobilizará a toda a parroquia de Cans dende o mércores 18 ata o domingo 21 será o escenario da estrea da longametraxe 'Doentes', de Gustavo Balza e do documental 'Escoitando o xuíz Garzón', de Coixet, co que xa acudiu ao Festival de Berlín.
Tamén haberá un 'semiestreno', o de '18 +1 comidas' de Jorge Coira, que lle suma á película máis premiada do ano en Galicia -'18 comidas'-, unha comida máis. Ademais, proxectarase outro documental, 'Brasil somos nós', dirixido por Robert Bellsolà, protagonizado por Carlos Núñez, quen tamén acudirá ao festival porriñés co director do filme.
No apartado titulado 'Coloquios na leira e arredores', unha nova versión dos xa tradicionais 'coloquios na leira de Alicia' de edicións anteriores, estarán Coixet -o sábado na Leira de Alicia-, Fernando León -o venres no Baixo de Bugarín- e Jorge Coira - xoves no Círculo Recreativo Cultural de O Porriño-.
En canto á proposta musical, o festival reunirá bandas como Sinistro Total, El Gran Wyoming e Los Insoventes, Eladio e Los Seres Queridos, diversos DJ, Xurxo Souto e The Turre' s Band, aínda que tamén haberá un oco para a música máis popular no 'Serán dos veciños'.
CAN CAMPUS
Como novidade este ano, celebrarase, en colaboración coa Universidade de Vigo, o Can Campus, que se concibe como un punto de encontro coa Facultade de Ciencias Sociais e da Comunicación de Pontevedra e que persegue o obxectivo de fomentar o videoclip.
No marco desta experiencia, na que participaron máis de 50 persoas, proxectaranse dúas pezas realizadas: un videclip e o 'making of'.
Tamén continuando no ámbito audiovisual, emitiranse proxeccións inéditas e, por suposto, os curtos, que son os verdadeiros protagonistas do festival.
Este ano, poranse á venda 800 entradas que darán acceso ás salas na que se proxectarán, o sábado, os curtos de ficción e animación a concurso.
Ademais, entre os diversos galardóns que se entregarán, a Asociación Cultural Arela, organizadora do festival, entregará o premio de honra 'Pedigree '11' á actriz María Pujalte.
O festival completarase con outras actividades, como procesións e desfiles dos xa tradicionais 'chimpibuses' e a inclusión de novas figuras homenaxeadas no particular paseo da fama de Cans, o 'Torreiro das Estrelas', entre outras. Por outra banda, o 25 de maio, os curtos gañadores do certame proxectaranse no Bar Liceum de O Porriño.
