A Consellería de Economía e Industria, a través do Instituto Galego de Promoción Económica (Igape), está a intensificar a colaboración cos clúster galegos a través de grupos de traballo orientados a mellorar a xestión destas organizacións, co obxectivo de facer 'máis eficaz' o labor destes a favor da competitividade e a internacionalización dos principais sectores da economía galega.
Os encontros entre os diferentes clúster galegos, e dos clúster co Igape están dirixidos á mellora da súa actividade económica, da calidade dos seus servizos ás empresas asociadas e das posibilidades de cooperación futuras, segundo explica a Consellería de Economía nun comunicado.
Esta iniciativa da Consellería de Economía e Industria abre, segundo resalta a Xunta, 'novas posibilidades de cooperación entre empresas e clúster' que poderá ter continuidade nunha reunión dos principais clúster galegos prevista este mes.
Nas actividades desenvolvidas ao amparo destes grupos de traballo abordáronse asuntos como a caracterización e diferenciación dos clúster, a súa representatividade, a avaliación de accións de formación específica na xerencia destas organizacións, a busca da excelencia na xestión, así como as posibilidades concretas de compartir, imitar ou crear servizos para as empresas.
Esta iniciativa da Consellería de Economía e Industria abre, segundo resalta a Xunta, 'novas posibilidades de cooperación entre empresas e clúster' que poderá ter continuidade nunha reunión dos principais clúster galegos prevista este mes.
Nas actividades desenvolvidas ao amparo destes grupos de traballo abordáronse asuntos como a caracterización e diferenciación dos clúster, a súa representatividade, a avaliación de accións de formación específica na xerencia destas organizacións, a busca da excelencia na xestión, así como as posibilidades concretas de compartir, imitar ou crear servizos para as empresas.
