As datas máis importantes do Entroido están cada vez máis cerca e en Bande viviron onte unha desas vísperas. A vila pasa por ser unha das capitais do entroido ourensán e o seu persoaxe distintivo, o troteiro, tomou onte xa moito protagonismo.
Había que madrugar para participar na saída programada para o sábado pero o ambiente estivo garantizado. Ás nove da mañán empezou o percorrido polas aldeas do municipio, seguindo así unha tradición que xa está perpetuada.
Troteiros de todalas idades formaron parte da comitiva que se misturou co resto da xente para formar ese crisol cultural tan propio do Entroido.
Pero isto acaba de comenzar e a troula hai que administrala ben porque os días grandes empezarán a semana que ven. O programa avanza xa que o día 23 haberá ruta dos troteiros, cocido dos troteiros, desfiles de carrozas e comparsas e outas moitas actividades.
Pero, polo de agora, ninguén lles pode quitar aos veciños de Bande o placer de palpar xa de cerca o ambiente do Entroido e amosar con moito orgullo a vestimenta e abalorios dun persoaxa senlleiro e xa eterno: o troreiro.