A Deputación da Coruña destinará máis dun millón de euros para reparacións urxentes en estradas provinciais, segundo informa. O Boletín Oficial da Provincia (BOP) publica este martes o anuncio de contratación mediante procedemento aberto destas actuacións para 2014 e 2015.
Con este contrato, o organismo provincial afirma que busca "manter en perfecto estado as vías provinciais e que se poidan arranxar con rapidez os danos e imprevistos xurdidos para permitir a normal circulación dos vehículos", indica nun comunicado.
A iniciativa divide a provincia en oito zonas para facilitar o acceso ás empresas, que terán un presuposto de 134.588,33 euros en cada unha para presentar as súas propostas.
Este programa de obras menores completa o Plan de Conservación de Vías Provinciais da Deputación. Este programa inclúe 34 obras previstas en diferentes grupos de estradas da provincia "que se pretenden adxudicar antes de que comece o verán", engade a institución provincial.
