Revela que o seu patrimonio non supera os 120.000 euros, incluído o premio do sorteo de Nadal
O exconselleiro de Innovación e Industria e exdeputado do BNG, Fernando Blanco, remarcou que non hai ningunha proba no sumario da 'Operación Campión' que o implique na trama para defraudar subvencións públicas. 'Non aparezo por ningún lado', sostivo este venres en rolda de prensa acompañado polos seus avogados, na que tamén informou de que achegou os xustificantes de transferencia do pagamento do seu coche e da lotaría que comprou en 2009 e que resultou premiada.
'Nin percibín cantidades, nin fixen xestións para favorecer a uns ou outros', manifestou Fernando Blanco na súa comparecencia, na que declarou que o seu patrimonio 'non supera os 120.000 euros', incluídos os 80.000 euros que gañou no sorteo de lotaría.
Pola súa parte, os seus avogados, Xoán Antón Pérez Lema e Evaristo Nogueira, confirmaron que en próximos días pedirán o sobresemento da causa, e manifestaron que o propio ministerio fiscal debería ser 'coherente' e proceder dese modo, posto que 'non hai ningunha proba que lle impute'.
Así mesmo, advirten de que Fernando Blanco está a pagar 'a pena do banco' e que, malia que é deber do ministerio fiscal -neste caso- demostrar a culpabilidade e non que o imputado demostre a súa inocencia, este político se 'esforzou' en demostrala achegando as probas documentais.
Fernando Blanco, que comezou reivindicando que a el sempre lle gustou 'dar a cara' e por iso comparecía este venres, destacou que 'claramente as imputacións son falsas', e desmentiu na súa declaración as acusacións realizadas polo principal imputado nesta causa, o propietario de Nupel e empresario lucense, Jorge Dorribo.
Así, sobre a compra dun diamante en Arévalo que supostamente encargáralle o empresario Eduardo Amigo, da empresa Limpiezas Domiciliarias Lucenses, e a declaración de Dorribo atribuíndoo a Fernando Blanco intermediación no Concello de Lugo para que esa empresa conseguise a adxudicación de limpezas, Fernando Blanco declarou este venres que é unha 'imputación falsa demostrada'.
O propio Eduardo Amigo emitiu este xoves un comunicado no que asegura que son 'absolutamente falsas' as manifestacións, o cal se pode acreditar revisando a 'traxectoria' da empresa de limpeza, que foi adxudicatario de contratos en distintas administracións e en diferentes períodos. Ademais, nese escrito público, explica que 'o único diamante encargado e pagado por Eduardo Amigo é o que lle regala á súa esposa no nadal de 2007, cando había anos que Fernando Blanco non estaba no equipo municipal, adquirido nun anticuario de Arévalo por mediación de Jorge Dorribo'.
LOTARÍA PREMIADA E COCHE
Por outro lado, Blanco explicou que entregou no xulgado a transferencia de pagamento da lotaría encargada a un lotero que figura na orde da entidade bancaria con data de 21 de decembro de 2009, xornada previa ao sorteo. Tamén achega un documento coa cabeceira do organismo de Lotarías e Apostas do Estado de Sarria no que se sinala que se adquiriron sete billetes por importe de 1.400 euros do sorteo de Nadal de 2009.
Así mesmo, achegou o xustificante dunha transferencia bancaria ao concesionario Martínez Automoción pola compra dun vehículo e o sinal dado con anterioridade por ese mesmo coche. No sumario aparece unha declaración de Dorribo na que asegura que pagou ese coche ao daquela conselleiro de Industria.
En canto á viaxe a Camerún, Fernando Blanco recoñeceu que o realizou, pero cando xa 'cesara' como conselleiro, o 20 de abril de 2009. 'Formúlaseme unha viaxe cando xa non son conselleiro para asesoralos, acudo, non percibo ningunha cantidade', argumentou neste sentido.
Ao respecto, un dos seus avogados, Evaristo Nogueira, indicou que ningunha das empresas que o invitaron 'participou en ningún concurso eólico' e agregou que 'non cobrou ningún euro pola viaxe máis alá da estanza', como 'figura no sumario'.
Fernando Blanco tamén negou que teña algo que ver con Andorra e os negocios de Jorge Dorribo. 'Non teño ningunha relación', reafirmouse o exconselleiro, quen tamén remarcou que 'nunca' premeu 'nin por esta nin por outra cousa' nin ao que foi director xeral de I+D+i, Salustiano Mato, nin ao xefe de servizo, Javier Ochoa. Ambos os dous declararon este xoves no xulgado.
Finalmente, sobre a participación de Xoán Bazarra, o seu exxefe de gabinete, Fernando Blanco indicou que 'efectivamente' é unha persoa que el 'recomenda', pero puntualizou que non ten 'nada que ver con ningunha representación nin con ser home de palla de ninguén entre outras razóns porque non ten ningunha participación' en empresas.
De feito, afirmou que el non ten participación de ningunha empresa, malia que Jorge Dorribo declarou no xulgado que o exconselleiro 'podería reclamar' o 12 por cento da compañía Tramipharma, onde se establecería un compromiso de entrar unha vez pasado o período de incompatibilidades políticas.
SOBRESEMENTO DA CAUSA
Pola súa banda, o avogado Pérez Lema manifestou, en relación a unhas 'anotacións' que se identificaron publicamente como 'unha contabilidade B', que se trata duns apuntamentos e rexeitou que iso se poida considerar diñeiro en negro dunha contabilidade, algo que dixo que sería moito máis complexo. 'Por ningún lado hai ningunha contabilidade B', sinalou.
Así mesmo, explicou que no tomo documental, dende o punto de vista do procedemento para conceder subvencións -Nupel recibiu 1,6 millóns de euros da Consellería de Industria cando Branco era conselleiro-, 'todo é regulado' e engadiu que houbo unha 'comprobación' de que existían as máquinas para as que se deron as axudas e das transferencias bancarias. 'O expediente antes e despois' da adxudicación está 'xustificado e acreditado', engadiu.
Evaristo Nogueira denunciou, polo seu lado, que neste proceso se empregou o se coñece como a 'proba diabólica', é dicir, a declaración de que que houbo unha entrega de diñeiro (200.000 euros) ao político, pero 'non se 'pode demostrar' que non se recibiu. Pero en todo caso, engadiu, é preciso que o que declara iso, Jorge Dorribo, 'demostre' ese pagamento.
Así as cousas, Nogueira confirmou que a defensa de Fernando Blanco pedirá o sobresemento da causa, porque 'non pode seguir como imputado', xa que 'non hai ningunha proba que lle impute'. Así, cualificou as declaracións de Dorribo como 'calumnías' e 'inxuriosas'. 'Non hai nin foto, nin vídeo, nin conversacións nin documentos, sinalaron os seus avogados.
Ademais, Pérez Lema avanzou que en canto se produza o sobresemento que solicitan, Fernando Blanco emprenderá as accións 'civís e penais' pertinentes ás que lle asista o dereito.
'Nin percibín cantidades, nin fixen xestións para favorecer a uns ou outros', manifestou Fernando Blanco na súa comparecencia, na que declarou que o seu patrimonio 'non supera os 120.000 euros', incluídos os 80.000 euros que gañou no sorteo de lotaría.
Pola súa parte, os seus avogados, Xoán Antón Pérez Lema e Evaristo Nogueira, confirmaron que en próximos días pedirán o sobresemento da causa, e manifestaron que o propio ministerio fiscal debería ser 'coherente' e proceder dese modo, posto que 'non hai ningunha proba que lle impute'.
Así mesmo, advirten de que Fernando Blanco está a pagar 'a pena do banco' e que, malia que é deber do ministerio fiscal -neste caso- demostrar a culpabilidade e non que o imputado demostre a súa inocencia, este político se 'esforzou' en demostrala achegando as probas documentais.
Fernando Blanco, que comezou reivindicando que a el sempre lle gustou 'dar a cara' e por iso comparecía este venres, destacou que 'claramente as imputacións son falsas', e desmentiu na súa declaración as acusacións realizadas polo principal imputado nesta causa, o propietario de Nupel e empresario lucense, Jorge Dorribo.
Así, sobre a compra dun diamante en Arévalo que supostamente encargáralle o empresario Eduardo Amigo, da empresa Limpiezas Domiciliarias Lucenses, e a declaración de Dorribo atribuíndoo a Fernando Blanco intermediación no Concello de Lugo para que esa empresa conseguise a adxudicación de limpezas, Fernando Blanco declarou este venres que é unha 'imputación falsa demostrada'.
O propio Eduardo Amigo emitiu este xoves un comunicado no que asegura que son 'absolutamente falsas' as manifestacións, o cal se pode acreditar revisando a 'traxectoria' da empresa de limpeza, que foi adxudicatario de contratos en distintas administracións e en diferentes períodos. Ademais, nese escrito público, explica que 'o único diamante encargado e pagado por Eduardo Amigo é o que lle regala á súa esposa no nadal de 2007, cando había anos que Fernando Blanco non estaba no equipo municipal, adquirido nun anticuario de Arévalo por mediación de Jorge Dorribo'.
LOTARÍA PREMIADA E COCHE
Por outro lado, Blanco explicou que entregou no xulgado a transferencia de pagamento da lotaría encargada a un lotero que figura na orde da entidade bancaria con data de 21 de decembro de 2009, xornada previa ao sorteo. Tamén achega un documento coa cabeceira do organismo de Lotarías e Apostas do Estado de Sarria no que se sinala que se adquiriron sete billetes por importe de 1.400 euros do sorteo de Nadal de 2009.
Así mesmo, achegou o xustificante dunha transferencia bancaria ao concesionario Martínez Automoción pola compra dun vehículo e o sinal dado con anterioridade por ese mesmo coche. No sumario aparece unha declaración de Dorribo na que asegura que pagou ese coche ao daquela conselleiro de Industria.
En canto á viaxe a Camerún, Fernando Blanco recoñeceu que o realizou, pero cando xa 'cesara' como conselleiro, o 20 de abril de 2009. 'Formúlaseme unha viaxe cando xa non son conselleiro para asesoralos, acudo, non percibo ningunha cantidade', argumentou neste sentido.
Ao respecto, un dos seus avogados, Evaristo Nogueira, indicou que ningunha das empresas que o invitaron 'participou en ningún concurso eólico' e agregou que 'non cobrou ningún euro pola viaxe máis alá da estanza', como 'figura no sumario'.
Fernando Blanco tamén negou que teña algo que ver con Andorra e os negocios de Jorge Dorribo. 'Non teño ningunha relación', reafirmouse o exconselleiro, quen tamén remarcou que 'nunca' premeu 'nin por esta nin por outra cousa' nin ao que foi director xeral de I+D+i, Salustiano Mato, nin ao xefe de servizo, Javier Ochoa. Ambos os dous declararon este xoves no xulgado.
Finalmente, sobre a participación de Xoán Bazarra, o seu exxefe de gabinete, Fernando Blanco indicou que 'efectivamente' é unha persoa que el 'recomenda', pero puntualizou que non ten 'nada que ver con ningunha representación nin con ser home de palla de ninguén entre outras razóns porque non ten ningunha participación' en empresas.
De feito, afirmou que el non ten participación de ningunha empresa, malia que Jorge Dorribo declarou no xulgado que o exconselleiro 'podería reclamar' o 12 por cento da compañía Tramipharma, onde se establecería un compromiso de entrar unha vez pasado o período de incompatibilidades políticas.
SOBRESEMENTO DA CAUSA
Pola súa banda, o avogado Pérez Lema manifestou, en relación a unhas 'anotacións' que se identificaron publicamente como 'unha contabilidade B', que se trata duns apuntamentos e rexeitou que iso se poida considerar diñeiro en negro dunha contabilidade, algo que dixo que sería moito máis complexo. 'Por ningún lado hai ningunha contabilidade B', sinalou.
Así mesmo, explicou que no tomo documental, dende o punto de vista do procedemento para conceder subvencións -Nupel recibiu 1,6 millóns de euros da Consellería de Industria cando Branco era conselleiro-, 'todo é regulado' e engadiu que houbo unha 'comprobación' de que existían as máquinas para as que se deron as axudas e das transferencias bancarias. 'O expediente antes e despois' da adxudicación está 'xustificado e acreditado', engadiu.
Evaristo Nogueira denunciou, polo seu lado, que neste proceso se empregou o se coñece como a 'proba diabólica', é dicir, a declaración de que que houbo unha entrega de diñeiro (200.000 euros) ao político, pero 'non se 'pode demostrar' que non se recibiu. Pero en todo caso, engadiu, é preciso que o que declara iso, Jorge Dorribo, 'demostre' ese pagamento.
Así as cousas, Nogueira confirmou que a defensa de Fernando Blanco pedirá o sobresemento da causa, porque 'non pode seguir como imputado', xa que 'non hai ningunha proba que lle impute'. Así, cualificou as declaracións de Dorribo como 'calumnías' e 'inxuriosas'. 'Non hai nin foto, nin vídeo, nin conversacións nin documentos, sinalaron os seus avogados.
Ademais, Pérez Lema avanzou que en canto se produza o sobresemento que solicitan, Fernando Blanco emprenderá as accións 'civís e penais' pertinentes ás que lle asista o dereito.
