A intervención na rede de camiños de Monterrei incluirá un sistema de saneamento, unha rede de abastecemento de auga, un proxecto de iluminación e unha rede de telecomunicacións.
O DOG publica este martes a resolución de Turismo de Galicia pola que se anuncia a licitación da contratación das obras de construción do acceso ao Castelo de Monterrei, Ourense, para facilitar as visitas ao complexo.
Segundo informou a Xunta nun comunicado, as obras teñen como obxectivo a construción do conxunto vial da fortaleza, así como dos sistemas xerais de instalacións. O seu prazo de execución será de tres meses.
A intervención na rede de camiños de Monterrei incluirá un sistema de saneamento, unha rede de abastecemento de auga, un proxecto de iluminación e unha rede de telecomunicacións.
A licitación destas obras ten lugar tras a finalización do proxecto de rehabilitación do conxunto arquitectónico, unha actuación promovida por Turismo de Galicia co obxectivo prioritario de revitalizar a infraestrutura para usos turísticos e culturais.