A segunda edición da Mostra de teatro amador celebrarase no Carballiño do 5 de outubro ó 16 de novembro no Auditorio municipal e con novidades. Entre elas, a ampliación de catro a seis compañías e un orzamento que roldará os 8.000 euros. A convocatoria xa está aberta.
Organizar unha actividade cultural no Carballiño non é unha tarefa fácil, e se o que se trata é un festival aínda se complica máis a historia. E se por riba é de teatro, o traballo é moi delicado, tendo en conta que os seus promotores sempre teñen que estar a procura de financiación, independentemente dos hipotéticos ingresos procedentes da taquilla.
Iste é o caso da Mostra de teatro amador Terras do Orcellón, que organiza o grupo local Tiruleque e que acadará a súa segunda edición nos vindeiros meses de outubro e novembro. Os organizadores xa fixeron públicas as bases da convocatoria do correspondente concurso para a selección de compañías e obras. Neste ano ampliamos a oferta de catro a seis grupos, que serán os que finalmente actúen no Auditorio municipal do Carballiño, sinala Xosé Prada, responsable de Tiruleque e coordenador da organización.
Infraestructura
Pero no certame non hai premios en metálico, xa que cada compañía das seis que elixamos recibe 900 euros da Dirección Xeral de Creación e Difusión Cultural da Xunta en concepto de pago do caché pola súa actuación. E os organizadores sempre teñen que estar pendentes de que o organismo correspondente abone en tempo e forma as cantidades comprometidas, este ano 5.400 euros, e que moitas veces hai que adiantar ata que chegue a subvención.
O apoio do Concello do Carballiño é tamén importante, poñendo a nosa disposición o auditorio e encargándose de aboar as dietas das compañías que par ticipan, apunta Xosé Prada.
Ademais, a Concellería de Cultura tamén subvenciona un obradoiro de efectos especiais que impartirá o técnico Ricardo Spencer. Un cualificado especialista que xa estivo o ano pasado nas Xornadas de Cine e Vídeo do Carballiño (Xociviga). Spencer transmitirá os seus coñecementos ós directores, actores e maquilladores do mundiño do teatro amador galego. O orzamento do festival roldará os 8.000 euros, dobrando a cantidade presupostada en 2007 e co gallo de mellorar o programa.
Iste é o caso da Mostra de teatro amador Terras do Orcellón, que organiza o grupo local Tiruleque e que acadará a súa segunda edición nos vindeiros meses de outubro e novembro. Os organizadores xa fixeron públicas as bases da convocatoria do correspondente concurso para a selección de compañías e obras. Neste ano ampliamos a oferta de catro a seis grupos, que serán os que finalmente actúen no Auditorio municipal do Carballiño, sinala Xosé Prada, responsable de Tiruleque e coordenador da organización.
Infraestructura
Pero no certame non hai premios en metálico, xa que cada compañía das seis que elixamos recibe 900 euros da Dirección Xeral de Creación e Difusión Cultural da Xunta en concepto de pago do caché pola súa actuación. E os organizadores sempre teñen que estar pendentes de que o organismo correspondente abone en tempo e forma as cantidades comprometidas, este ano 5.400 euros, e que moitas veces hai que adiantar ata que chegue a subvención.
O apoio do Concello do Carballiño é tamén importante, poñendo a nosa disposición o auditorio e encargándose de aboar as dietas das compañías que par ticipan, apunta Xosé Prada.
Ademais, a Concellería de Cultura tamén subvenciona un obradoiro de efectos especiais que impartirá o técnico Ricardo Spencer. Un cualificado especialista que xa estivo o ano pasado nas Xornadas de Cine e Vídeo do Carballiño (Xociviga). Spencer transmitirá os seus coñecementos ós directores, actores e maquilladores do mundiño do teatro amador galego. O orzamento do festival roldará os 8.000 euros, dobrando a cantidade presupostada en 2007 e co gallo de mellorar o programa.