Catro parellas de xóvenes do municipio de Boborás están a ensaiar a ancestral danza que se escenificará o vindeiro domingo co gallo da Festa das Mudaciós da parroquia de Xuvencos. Sete dos rapaces é a primeira vez que participan nesta actividade e aseguran que non son moi difíciles os movementos, só hai que fixarse un pouco.
O patio do colexio público de Boborás acolle dende marzo os ensaios da Danza de Xuvencos. Un grupo integrado por catro mozas e catro mozos do municipio animáronse este ano -a maioría por recomendación familiara revivir un espectáculo do folclore máis ancestral de Galicia que non se escenificaba dende 2002.
Dende as nove e media da noite, e baixo a dirección de María Xosé González, as catro parellas de rapaces afánanse durante dúas horas na aprendizaxe da coreografía que o vindeiro domingo deberán representar no transcurso da tradicional Festa das Mudaciós de Xuvencos. Unha celebración que recibe o seu nome polo intercambio das imaxes da patrona Santa María e a súa prima Santa Isabel, que no primeiro domingo de maio ocupan, respectivamente, a capela de Boborás e a igrexa parroquial de Xuvencos, e que, no segundo, retornan ás súas sedes.
Un baile que está composto de catro partes diferenciadas: O paso, que inclúe unha reverencia á Virxe; as muiñeiras; o paleado, onde os oito danzantes chocan uns paus de madeira, para rematar co entrenzado dunhas cintas ó redor dunha pértiga coroada coa figura do xigante, un boneco articulado que move brazos e pernas ó son da música das gaitas.
Interés
Durante un mínimo de dúas horas, os rapaces de Bobóras, axudados dunha gravación musical, tentan perfeccionar os movementos e a súa arte no manexo das castañolas e das cintas. Entre todos eles, sete son novatos na práctica da danza, aínda que sinalan que cando xa estás acostumado non é moi difícil aprendela, só hai que fixarse un pouco e estar ben concentrado. Neste sentido, María Xosé González apunta que dende o primeiro momento colléronno con interés e non houbo ningún problema. A cita será a partires das 10,30 horas, cando se poña en marcha dende Boborás ata Xuvencos a procesión coa Santa María.
Dende as nove e media da noite, e baixo a dirección de María Xosé González, as catro parellas de rapaces afánanse durante dúas horas na aprendizaxe da coreografía que o vindeiro domingo deberán representar no transcurso da tradicional Festa das Mudaciós de Xuvencos. Unha celebración que recibe o seu nome polo intercambio das imaxes da patrona Santa María e a súa prima Santa Isabel, que no primeiro domingo de maio ocupan, respectivamente, a capela de Boborás e a igrexa parroquial de Xuvencos, e que, no segundo, retornan ás súas sedes.
Un baile que está composto de catro partes diferenciadas: O paso, que inclúe unha reverencia á Virxe; as muiñeiras; o paleado, onde os oito danzantes chocan uns paus de madeira, para rematar co entrenzado dunhas cintas ó redor dunha pértiga coroada coa figura do xigante, un boneco articulado que move brazos e pernas ó son da música das gaitas.
Interés
Durante un mínimo de dúas horas, os rapaces de Bobóras, axudados dunha gravación musical, tentan perfeccionar os movementos e a súa arte no manexo das castañolas e das cintas. Entre todos eles, sete son novatos na práctica da danza, aínda que sinalan que cando xa estás acostumado non é moi difícil aprendela, só hai que fixarse un pouco e estar ben concentrado. Neste sentido, María Xosé González apunta que dende o primeiro momento colléronno con interés e non houbo ningún problema. A cita será a partires das 10,30 horas, cando se poña en marcha dende Boborás ata Xuvencos a procesión coa Santa María.