Os veciños do barrio do Ollal, na parroquia carballiñesa de Veiga, vense na obriga de dar un rodeo de dous quilómetros dende a vila para achegarse ás súas vivendas. O motivo, o elevado número de socavóns que dende hai un ano presenta a pista de asfalto, duns 300 metros de lonxitude, que comunica a zona do pavillón polideportivo Paco Chao e as piscinas municipais co dito barrio, onde habitan unhas 30 persoas.
'Aquí estase a desenvolver un núcleo de chalés, con catro novos nos dous últimos anos, e temos moitos problemas para transitar cos nosos vehículos polos baches, que nestas épocas de choiva se enchen de auga', comentan os veciños. Istes optan por circular pola estrada a Lalín e a antiga do Irixo ata Carballiño, pasando polo campo da festa de Veiga e dando un rodeo de dous quilómetros ata o entronque coa N-541.
ASFALTADO
'Ademais, entre o pavillón e O Ollal non temos alumeado público nin beirarrúas, e a xente que se despraza a pé ten medo de sufrir un atropelo', engaden os afectados. Por elo, solicitan do Concello que arranxen no menor tempo posible o firme da pista e que esta sexa dotada de farolas e beirarrúas. O concelleiro de Medio Rural, Edelmiro Mateo, apuntou que 'moitos socavóns son producidos polas obras de acometida de saneamento ou electricidad que fan os veciños nos seus chalés, pero esperaremos a que mellore o tempo para asfaltar esa pista'.
ASFALTADO
'Ademais, entre o pavillón e O Ollal non temos alumeado público nin beirarrúas, e a xente que se despraza a pé ten medo de sufrir un atropelo', engaden os afectados. Por elo, solicitan do Concello que arranxen no menor tempo posible o firme da pista e que esta sexa dotada de farolas e beirarrúas. O concelleiro de Medio Rural, Edelmiro Mateo, apuntou que 'moitos socavóns son producidos polas obras de acometida de saneamento ou electricidad que fan os veciños nos seus chalés, pero esperaremos a que mellore o tempo para asfaltar esa pista'.