Os cazadores membros da peña “Os Ardillas”, de Parada de Amoeiro, realizaron este domingo labores de limpeza polos camiños e pistas en varios montes do seu municipio. En todo o día recolleron “centos de quilos” de lixo que se atopaba ensuciando o monte, entre o que destacaban varios colchóns, refugallos e escombros de obra, xoguetes, cristais ou plásticos de diversa índole.
Todos os restos recollidos foron montados en camións e depositáropnse nun recinto do concello para o seu posterior traslado ao punto limpo. Dende o Concello, ademais de ofrecer o espazo onde almacenar os residuos, o propio alcalde, José Luis González, participou nas labores de limpeza e aproveitou para agradecer aos membros da peña de cazadores o seu traballo para manter limpos os montes do municipio.
