Pola noite chegará unha nova fronte que deixará chuvias na metade oeste. Ademais, a cota de neve situarase arredor dos 1.200 metros.
Tras o paso dunha fronte durante a madrugada, a xornada do sábado en Galicia caracterizarase polos chuvascos, máis xeneralizados durante a mañá e máis ocasionais e illados durante a tarde.
Pola noite chegará unha nova fronte que deixará chuvias na metade oeste. Ademais, a cota de neve situarase arredor dos 1.200 metros.
Segundo a información de MeteoGalicia, as temperaturas mínimas ascenderán, mentres que as máximas quedarán sen cambios significativos.
Pola súa banda, o vento soprará de compoñente oeste, frouxo no interior e moderado no litoral. Durante a noite será forte do sudoeste na costa atlántica.
