Escolares de 5º e 6º de primaria, participaron na actividade "Arquinenos" da Concellería de Educación do Concello de Ourense
Realizar unha maqueta dunha ponte e mesmo construír un edificio xa non ten segredos para os escolares do CEIP de Prácticas. Un grupo integrado por 150 alumnos e alumnas de 5º e 6º de Primaria do centro de ensino da A Ponte participaron no obradoiro denominado "Arquinenos", unha actividade da Concellería de Educación do Concello de Ourense. Esta proposta educativa enmárcase dentro do Programa de Educación Medioambiental que busca, nesta ocasión, achegar aos cativos uns coñecementos básicos sobre arquitectura.
A experiencia foi un éxito e aos escolares encantoulles exercer de arquitectos por un día, aportando as súas ideas e aplicando os conceptos que previamente os expertos na materia lle proporcionaron. O resultado foi unha fantástica construción coa que todos se sentiron moi orgullosos.
