Alumnos do CPR Concepción Arenal visitaron a Casa Grande de Cima de Vila do que foi o patriarca das Letras Galegas
Hai uns días, un centenar de estudantes do CPR Concepción Arenal de Ourense visitaron a Casa Grande de Cima de Vila en Trasalba (Amoeiro) para celebrar o 128 aniversario do nacemento de Ramón Otero Pedrayo, o Patriarca das Letras Galegas.
Este centro escolar visitaba a casa xa en vida do escritor. Acompañados pola súa profesora, María Teresa Cortón, os pequenos se achegaban a Trasalba para felicitarlle o aniversario e compartir unhas horas de charla con quen xa era coñecido como o patriarca das letras galegas.
Esta foi a quinta ocasión na que a Fundación que leva o seu nome celebra a actividade, estudantes de ESO tiveron a oportunidade de coñecer a que fora casa familiar do escritor e deron un pequeno paseo por Trasalba lendo fragmentos de Arredor de sí, de Pantelas home libre, de Bocarribeira e de Arredor de sí.
Para rematar a xornada, as mozas e mozos e os seus profesores, sopraron as velas da torta de aniversario e recibiron un lote de libros editados pola propia Fundación.
