A Tecnópole celebra este ano o décimo aniversario da maior feira científica de Galicia cun amplo programa
Á presentación do programa da maior feira científica de Galicia asistiron 400 escolares de varias localidades de Ourense. Os estudantes tiveron ocasión de participar en experimentos sorprendentes deseñados para aprender a través da ciencia explicada de maneira amena e divertida. Ata finais de maio, o espectáculo itinerará por vilas de toda Galicia: O Barco de Valdeorras e Verín, en Ourense; Monforte, Lugo e Viveiro, na provincia de Lugo; Ribeira, Padrón e Betanzos, en A Coruña; e Pontevedra, A Guarda e Silleda, na provincia de Pontevedra.
En todas as ocasións serán expostas as bases da Galiciencia para animar a participar a todos os colexios cos seus proxectos. Os escolares serán os que deseñen a camiseta oficial e os que elaboren o vídeo e a revista da feira. Tamén se abre o concurso para o deseño da mascota oficial do evento, todos os escolares galegos poderán presentar as súas ideas.
