A mestra Irene Martínez, a concursante do CPI Jose García García de Mende, respondeu con dilixencia ás preguntas dos seus alumnos, un grupo cunha gran sensibilidade e unidade
O CPI José García García, situado nun entorno privilexiado e rodeado de natureza na zona de Mende (Ourense), é un centro público que integra as tres etapas educativas: Infantil, Primaria e Secundaria.
O transporte escolar, o comedor escolar, con cociña de elaboración propia, e as numerosas actividades complementarias e extraescolares fan deste centro un lugar de educación, convivencia e participación que ten como principal obxectivo a educación integral do alumnado.
Un potente Departamento de Orientación e a coordinación entre o profesorado das diferentes etapas educativas, así como a estreita colaboración coas familias, permite atender ás diversas necesidades do alumnado, dende os que teñen dificultades académicas ata os de altas capacidades conseguindo, ano tras ano, que o alumnado acade os seus obxectivos.
A concursante da semana é Irene Martínez que respondeu a unha serie de preguntas durante a gravación e superou as probas que os seus alumnos tiñan preparadas para ela.
Cantos alumnos e profesores hai no centro?
Somos un claustro de corenta e catro profesores, dezasete de Primaria (a mestra de relixión é intinerante). En Infantil hai 120 alumnos e 130 en Secundaria. Nos patios só coinciden quince minutos no recreo. É enriquecedor para eles, coñécense uns a outros e hai moi bo ambiente.
Cando se construiu o colexio?
Non sei decirche exactamente pero leva polo menos corenta anos construido. Cando era pequena non estaba, había unha escola unitaria. Sobre 1976 era o Colexio Nacional de EXB, ahora somos un colexio integrado: Infantil, Primaria e ESO.
Que podemos mellorar no colexio?
No verán pintarase o colexio, e vanse aumentar as pizarras dixitais e sobre todo queremos que Telefónica aumente a cobertura. Queremos instalar a fibra óptica xa que cando se conectan todos á vez é lento. Temos o proxecto Abalar en 5º e 6º, con ordenadores para cada neno, e necesitamos mellorar a cobertura de internet.
A mestra do CPI Jose García García de Mende, respondeu a unha serie de preguntas de cultura xeral que lle formularon os propios alumnos.
Onde está a Torre Eiffel?
É facil, moi fácil, son bos, moi bos, non me poñen en apertos. Polo menos Coral non me puxo. En París.
Cantos países forman a Unión Europea?
A Unión Europea se mal non recordo vinte e oito, como andan entrando e saíndo...Alemania está seguro!
Por que a nosa cidade chámase Ourense?
Fai pouco falamos dos Romanos nas clases. Pois sí, polos Romanos, parece ser que había moito ouro no río Miño, puxéronlle a palabra Auriense, que ven de Ouro en latín. Esta é unha teoría. Pero hai outras que teñen que ver coas augas quentes, que como sabedes temos as Burgas e os manantiais das Termas.
Onde vas ir de vacacións?
Inda quedan uns meses....Sempre vou ao norte de A Coruña, á Costa da Morte. Eu non son de praia, gústame pasear e ver paisaxes. Gústame moito este espazo xa que non está masificado.
Cantos anos hai que eres mestra?
Xa fai bastantes... A primeira vez que traballei foi o 1 de setembro de 1989, fai 26 anos. Inda que xa o tiña decidido de nena, dudaba entre estudar Maxisterio ou Pedagoxía.
Que grupo musical ou cantante é o teu preferido?
Gústame moito o cantante inglés Elton John. Son máis de estilos románticos e tranquilos. Mentres que os seus alumnos falan dos seus gustos musicais: Malú, Bisbal, etcétera.
Mestra e alumnos manifestaron estar nerviosos pero disfrutaron moito da experiencia de gravar un programa na televisión. Unha xornada moi especial para todos. Sen dúbida repetirán.
