VIDA

Galería | ACORDES TRADICIONAIS CON ACHEGASONS

A Asociación Ourensá de Folclore Tradicional, AOFT, celebrou a segunda edición de AchegaSons tras o parón do 2020 por mor da covid-19. 

Co Liceo como marco, a xornada festiva deu comezo pola mañá coa presentación dos libros: “A Gaita na Terra de Melide”, de Suso Acariz, e “O Toque Pechado”, de Pablo Seoane. A continuación tivo lugar un concerto da AOFT, un recital conxunto no que Virxilio Fernández, da Coral de Ruada, o alumnado da AOFT, “Fol de Ferro”, do obradoiro do Campus de Ourense, e os concellos de Allariz e Baños de Molgas, animaron con boa música da nosa terra esta celebración.