Galería | O Otero Pedrayo gradúa a 130 alumnos

O Auditorio de Ourense acolleu o acto de graduación do alumnado de 2o BAC do IES Otero Pedrayo. A pesar de ser un ano complexo, cheo de incertidumes e de medo; no que houbo que traballar moi duro, pero que tamén estivo cargado de ilusión, o alumnado rematou o curso e con el pecha unha etapa que, de seguro, non vai esquecer. Os 130 graduados, máis os 25 profesores e profesoras que os acompañan, máis tres representantes da ANPA reuníronse no Auditorio para celebrar unha gala chea de emotividade, con discursos do director, dos profesores, dos pais/nais e do alumnado, con música e baile e coa entrega de diplomas de graduados. As familias seguiron en directo o acto vía Streaming.