Homenaxe á cultura e tradición galega
O grupo Luar Na Lubre comezou a súa xira de concertos deste ano cunha dobre actuación no Teatro Principal. En colaboración coa Deputación de Ourense, presentou na cidade o seu novo traballo “Vieiras e vieiros, historias de peregrinos”, un álbum que comezaron a promocionar no ano 2020 e que recolle historias e lendas dos peregrinos que percorreron os diferentes camiños que levaban a Santiago, así como as súas derivacións ata Fisterra e Muxía, nos confíns da terra.
Este traballo está composto por 27 temas. Neles combínanse as creacións propias con outras nas que se recollen sons como o da auga dos ríos, o vento ou as campás da igrexa. En definitiva, un novo homenaxe á cultura e a tradición galega.
FOTOS: XESÚS FARIÑAS