Música, conferencias e exposición, en Verín

O castelo de Monterrei acolleu a XXXVII Xuntanza internacional de Gaiteiros, que reuniu a preto dunha vintena dos máis destacados músicos e agrupacións chegadas de diversos puntos de Galicia, Bélxica, Cuba ou Francia, ademais de ofrecer concertos especiais, exposicións e conferencias.

O programa comezou cun curso de técnica de Uileann Pipe (gaita irlandesa), un concerto da cantante Carmen Penim e a apertura dunha exposición fotográfica sobre a gaita. Na seguinte xornada, tivo lugar unha conferencia sobre a representación dos pastores na iconografía do Nadal, e, á tardiña, tivo lugar o acto principal do evento, coa intervención de preto de vinte músicos e agrupacións musicais.