Queixume dos Pinos a través dunha mostra
O Centro Cultural Queixumes dos Pinos acolleu a inauguración da exposición fotográfica sobre os 28 anos da agrupación folclórica Queixumes dos Pinos. Unha mostra que fai un percorrido pola presenza da agrupación en diferentes lugares e actos a través de paneis con imaxes e textos.
Ocasión que tamén foi aproveitada para a presentación do número 5 da revista A Bugalla, unha revista que naceu para a difusión da cultura, turismo e folclore. Neste número, a publicación está adicada a José Antonio Viñas Mira, fundador de Queixumes dos Pinos, recentemente falecido e que adicou a súa vida ao folclore e a cultura.
