Remata a cita teatral universitaria

A Miteu baixou o telón da súa 27 edición deixando atrás 16 días nos que Ourense foi un gran escenario de teatro. Un festival que se despediu no Teatro Principal coa entrega do Premio Esmorga a Mohamed Azibou ‘Moha’, e a función “O parke do crepúskulo”, a cargo do grupo Maricastaña, da Aula de Teatro Universitaria de Ourense.

Teatro de rúa e de interior; circo contemporáneo; música ou danza formaron parte da axenda da Miteu, que tamén incluiu un curso de “Principios básicos da commedia dell’arte” e encontros. Contou coa presenza dos actores Pepe Viyuela e Leo Bassi, ademais de rendir homenaxe ao músico ourensán Xaime Mateo, vocalista e batería da banda Os Amigos dos Músicos.

FOTOS: XESÚS FARIÑAS / MARTIÑO PINAL