Ribadavia baixa o telón á Mostra

A Mostra Internacional de Teatro de Ribadavia, MIT, baixou o telón da súa 38 edición que, tras o lema ‘Actuando nas marxes’, adicaron este 2022 á marxinalidade, aos límites, ao prohibido, ao tabú, a todo aquelo que fai rir de forma incómoda.

O programa incluíu tres coproducións, 21 actuacións, entre as que destacan a estrea e presentación en Galicia do traballo de artistas internacionais de Perú, Portugal, México ou Mozambique, como a prestixiosa directora Chela de Ferrari ou a compañía portuguesa Nome Próprio (con Victor Hugo Pontes e Joana Craveiro). Presentacións de libros, foros despois de cada espectáculo, actividades de mediación… completaron o programa que se despide ata o 2023.