O patio do colexio da Ponte converteuse nunha extensión da comisaría de Policía nuha xornada escolar diferente e moi proveitosa na que os alumnos tiveron ocasión de aprender de primeira man como é o traballo dos axentes da lei.
Un grupo da Policía Nacional chegou ó centro educativo cos seus vehículos profesionais e diferentes artiluxios que empregan no seu día a día para deixar abraiados ós cativos. Ademais de poder realizarlle tódalas preguntas que se lles foron ocorrendo, tiveron ocasión de montar nos coches e utilizar os medios de comunicación coas centralitas, probar os cascos e as gorras, subir ás motos ou comprender a función dos aparellos de defensa da Policía.
