Xornal Escolar

Aprendendo a combater o lume o colexio de Muíños

O proxecto de aprendizaxe e servizo (APS) “Plantando cara ao lume” da USC, celebrou o Día dos Bosques na serra do Xurés, un enclave natural convertido nunha escola viva de sensibilización ambiental e aprendizaxe das actuacións que cómpre desenvolver para evitar os lumes forestais e, no seu caso, para paliar os desastrosos efectos das lapas con accións de restauración.

Os alumnos do colexio Valle Inclán de Muíños déronse cita acompañados de técnicos e investigadores, así como de estudantado universitario, propietarios ou comuneiros para desenvolver proxectos e experiencias coas que coñecer os efectos dos lumes e as posibilidades de recuperación das zonas afectadas.