A Praza Maior de Ourense foi o escenario dun espectáculo de percusión diferente: unha batucada que pechou o Seminario Percusión con materiais de refugallo, organizado polo Centro de Formación e Recursos (CFR) de Ourense, no que participaron os centros educativos IES O Couto, IES Aquis Querquennis (Bande), CPI Antonio Faílde (Cambeo), CPI Terras de Maside (Maside), IES San Mamede (Maceda), IES Laxeiro (Lalín) e IES Río Cabe (Monforte de Lemos). Profesorado de plástica, tecnoloxía e música implicouse no deseño facendo un traballo creativo de reciclaxe no que participou alumnado de ESO traballando o maxín para construir os instrumentos.