Xornal Escolar

De campamento con Amencer sen saír da cidade

A rapazada do grupo ADS da asociación xuvenil Amencer participou nunha divertida actividade especial: a “urbanoacampada” nas instalacións do colexio Salesiano. Despois dunha grande acollida para recibir ós 40 asistentes ós 13 animadores, todos xuntos con xogos de mesa, futbolín, ping-pong e un brilé de todos, gozaron dunha cea de convivencia. 

Foi entón cando comezou o máis divertido. Por equipos, levaron a cabo o xogo “Un cluedo real” con seis personaxes repartidos polos patios e xardíns de Salesianos, onde en pequenos grupos con preguntas debían descubrir ó asasino desta mansión. Ó remate durmiron todos xuntos no tatami do centro educativo. Xa pola mañá, tiveron unha avaliación e avisos de organización para despedirse despois do almorzo.