Xornal Escolar
O CEIP Condesa de Fenosa lembra a Florencio Delgado Gurriarán
No CEIP Condesa de Fenosa quixeron homenaxear a figura de Florencio Delgado Gurriarán, escritor natural da zona de Valdeorras a quen este ano se lle adica o Día das Letras Galegas. Así, baixo a dirección artística do tamén valdeorrés Gerardo Rodríguez "Chere", os alumnos de Educación Infantil e Primaria foron pasando durante varias xornadas para deixar a súa impronta nesta obra.
A composición está dividida en tres partes, a modo de trípicito. Na primeira delas represéntase a figura do autor, mentres que na segunda deixaron plasmada unha paisaxe típica valdeorresa que tanto serviu de inspiración ós versos de Florencio Delgado Gurriarán. Xa na terceira parte, os protagonistas son os versos do autor, escollidos por cada unha das aulas do centro.
Dende o colexio Condesa de Fenosa agardan que “este tríptico manteña no tempo o interese polo estudo da figura de Florencio Delgado Gurriarán e que estimule a lectura da súa obra, tan ligada a esta comarca” de Valdeorras.
Agora, os alumnos do Barco son uns auténticos expertos na figura do escritor e, ademais, uns artistas que converteron a súa figura e a súa obra nun mural destacado para veciños e visitantes da capital valdeorresa.