Xornal Escolar

A diversión dos xogos populares no Albino Núñez

O colexio Albino Núñez tamén se uniu a celebraro Día da Educación Física na Rúa. No seu caso organizaron unha divertida xornada de xogos populares, na que os alumnos se divertiron xogando ó igual que o facían os seus avós. Chapas, birlos, carreiras de sacos, zancos, carrilanas, a rá, o pano ou o gato e o rato foron algunhas das propostas que encheron de actividade as instalacións do colexio de Casardomato. 

O obxectivo desta proposta era o de promover os hábitos saudables e a actividade física nos máis novos, así como amosarlles a ampla variedade de xogos cooperativos e moi divertidos que existen máis alá das pantallas. O tempo tamén acompañou para gozar da xornada.