Xornal Escolar

Divertido día entre fogóns en Amencer

Cociñar é unha actividade que desperta paixóns e pode resultar moi divertida, especialmente se se realiza en grupo. Iso sábeno ben os participantes do grupo ADS da asociación xuvenil Amencer, que nas últimas semanas asistiron a un obradoiro de iniciación á cociña.

Por equipos, compuxeron un delicioso menú composto por mini quiches lorraine de bacon, palmeras de xamón e queixo, pancakes, masa de follada con chocolate e galletiñas. Entre todos degustaron estas deliciosas creacións, que prepararon pasando grandes momentos entre amigos. Concentración e moitas risas foron os ingredientes da actividade, que os participantes xa están desexando que se repita pronto.