Xornal Escolar

Os escolares de Ourense volveron sacar o Entroido ás rúas

O Entroido foi a última festa que puidemos celebrar antes de que chegara o confinamento, a pandemia e todas esas cousas ás que xa estamos acostumados. E aínda que o ano pasado os colexios puideron celebrar un Entroido baixo restriccións, non foi o de sempre e, por iso, nesta ocasión había moitas ganas de voltar ás rúas, disfrazarse e recuperar a tradición máis ourensá.

Por iso ninguén faltou á festa máis agardada, que encheu de cores e ilusión tódolos recunchos da provincia, ademais das rúas da cidade que viron como regresaba o tradicional desfile escolar.