Especial visita do escritor Fernando Lalana ó Luis Vives

O autor zaragozano Fernando Lalana, premio nacional de literatura infantil e xuvenil, visitou o colexio Luis Vives de Ourense onde mantivo un encontro moi destendido e ameno co alumnado de secundaria conversando sobre a súa vida, vocación e obras literarias. Os alumnos tiveron ocasión de coñecer de preto o oficio dos escritores e preguntarlle tódalas súas dúbidas, así como de compartir recomendacións lectoras.

Fernando Lalana é autor de máis dun cento de títulos, moitos deles pensados para o público máis novo. “El zulo”, “El sapo Mariano y los cisnes”, “Morirás en Chafarinas” ou “El manuscrito Sancho Panza” son algúns dos seus títulos máis recoñecidos.