Xornal Escolar
A horta e as estacións no colexio de Cea
O ciclo dunha horta vai acorde coas estacións. Cada tempo ten os seus froitos e cada tarefa ten os seus prazos. É por iso que este ano no colexio Virxe da Saleta de Cea, o alumnado participa nun proxecto global titulado “A horta e as estacións”.
Son os alumnos e alumnas de Educación Infantil os encargados de coidar o semilleiro e, con grandes resultados, remataron xa a primeira parte. Colleitaron brócoli, calabacín, cabazos… O seu traballo consistiu en colleitar, observar, investigar e, sobre todo, coidar con moito mimo as sementes para que deran os froitos agardados.
O obxectivo desta iniciativa é ampliar a formación máis alá das paredes da aula, empregando a agricultura tradicional como unha ferramenta coa que os alumnos, ademais de aprender sobre os cultivos, tamén poñen en valor os traballos da terra e os productos naturais, tomando conciencia da importancia das tempadas, a meteoroloxía, as horas de luz e, en xeral, as estacións, na producción de cada froito.
Agora que xa teñen os froitos do outono nas súas mans, a horta seguirá funcionando e preparándose para a primavera, cando os alumnos de Cea recollerán os froitos máis frescos, que degustarán entre todos para seguir aprendendo coa natureza e as tradicións como base. Uns auténticos expertos na agricultura escolar.