Lembrando a Concepción Arenal no seu día
Con motivo da conmemoración do aniversario do pasamento de Concepción Arenal, o alumnado do colexio ourensán que leva o seu nome celebrou unha xornada de lembranza de toda a traxectoria vital da escritora e activista. Deporte, cultura e homenaxes centraron a xornada, na uqe o alumnado de Infantil e Educación Primaria -ata cuarto curso- realizou actividades dentro do colexio, como películas, xogos ou manualidades creativas.
En quinto e sexto pasaron o día na zona de Monterrei, onde se celebrou a sexta edición do torneo Concepción Arenal e puideron practicar deportes moi variados. Mentres, os de cuarto de ESO trasladábanse ata a rotonda da cidade de Ourense que leva o nome dela para unha ofrenda floral.