Xornal Escolar

As lembranzas máis especiais do verán son as de Amencer

Coas primeiras semanas do curso superadas, centos de rapaces de Ourense aínda lembran as experiencias vividas durante todo o verán no Campamento Urbano de Amencer.  Este ano, na súa 36 edición, este clásico das axendas estivais acolleu a 654 cativos de entre 8 e 16 anos xunto a 80 animadores. 

En total, preto de 900 persoas avalaron o éxito desta convocatoria, na que non faltaron a diversión, a convivencia e o traballo en equipo. Tamén as familias amosaron o seu recoñecemento a unha iniciativa coa que a asociación xuvenil busca darlle unha alternativa de ocio ós máis novos durante as vacacións escolares. Agora, co curso xa en marcha, chegarán as Tardes Abertas.