Xornal Escolar

Novas casas para as aves ourensás no Irmáns Villar

O mes de febreiro comezaba no colexio Irmáns Villar cunha divertida actividade titulada “Coidando as aves nos nosos parques”. Coincidindo co Día da Candeloria e ante a proximiadade da primavera, viviron unha xornada de colocación de casas niño en diferentes árbores da cidade ubicados no Xardín do Posío. 

En colaboración coa Aula da Natureza do río Miño e os bombeiros da cidade, todos puideron colocar a súa casiña para as aves ourensás, que previamente prepararon e decoraron na aula. Contaron ademais coa axuda de Antonio, pai dunha alumna, e dos seus profesores. Foi unha xornada moi divertida na que aprenderon moito sobre paxaros.