Dentro do proxecto global que este ano están desenvolvendo arredor do Camiño de Santiago e que hai unhas semanas os trouxo peregrinando ata Ourense, os alumnos do colexio Carlos Casares de Xinzo de Limia recibiron estes días a visita de varios autores para afondar no seu coñecemento da vía ata Compostela.
Xabier Domínguez, autore de “Naturizo e o camiño das estrelas” foi un deles e contoulles a historia desta vía de peregrinación, que segue a estela da Vía Láctea.
Outra das xornadas estivo adicada á Vía da Prata ó seu paso por Allariz, un tema do que se encargaron de falarlles os historiadores Antonio Blanco e Juan Seara, acompañados duns animados personaxes que lles axudaron ós cativos a entender que significa este camiño. Xa por último, o escritor e profesor Cándido Paniagua acudiu ó centro educativo para falar sobre a mitoloxía galega e a súa relación co Camiño de Santiago.
