Obradoiro de collage en familia

Héctor Francesch, artista multidisciplinar feito a si mesmo cunha formación autodidacta, dirixiu un obradoiro de collage para familias no centro cultural Marcos Valcárcel. Alí, os participantes, puideron compartir a súa inquietude investigadora afondando nunha técnica artística con grandes posibilidades creativas. A proposta enmarcouse na exposición “A vida interior”, un proxecto fraguado nos tres últimos anos e vencellado á experiencia vital e creativa do autor.

Grandes e pequenos divertíronse recortando e xuntando materiais pictóricos para despregar toda a súa imaxinación a través de cores, formas e texturas.