Unha semana histórica no colexio de Mende
Obras de teatro, obradoiros de cociña, exposicións, xogos… Calquera proposta pode converterse nunha actividade educativa e así o fixeron no colexio José García de Mende, onde viviron a primeira edición da súa Semana da Historia co obxectivo de achegar esta materia ó alumnado dun xeito lúdico.
Con esta proposta, impulsada dende o departamento de Historia, pero na que participou toda a comunidade educativa, levou ó centro educativo de viaxe ó pasado para trasladar ó alumnado a acontecementos tan relevantes como a Revolución Francesa, xogar ó “Quen é quen?” histórico ou degustar postres sacados doutro tempo. O programa foi un éxito entre alumnos e profesores, que xa contemplan a celebración da segunda edición para o vindeiro curso.