Xornal Escolar

Por unha vida sen fume en Amencer

A Feira sen Fume de Amencer congretou a unha chea de rapaces e rapazas para participar nunhas actividades de vida saudable e transmisión de valores. Dirixida a cativada de 6 a 14 anos de idade, e os grupos de Saltimbanquis, Andaina e ADS, os obxectivos da proposta eran descubrirlles dende os xogos de sempre unha perspectiva nova da saúde, aprender xogando, sensibilizar os nenos e nenas a vivir unha vida sen tabaco, promocionar hábitos de vida saudables e dar a coñecer o Día Mundial sen Tabaco.

Para conseguir estas metas, os monitores prepararon propostas como unha oca xigante na que o taboleiro foron todos os campos e xardíns de Salesianos, un xogo en clave educativa que trata de combater o hábito de fumar e promover unha vida sa entre as novas xeracións. 

Neste gran xogo, repartiron 63 carteis con números e outros símbolos tirados do xogo tradicional da oca pero adaptados a unha vida sen tabaco. A dinámica consistiu en pequenos grupos tirar un dado e buscar a casa do taboleiro correspondente ao longo dos campos de Salesianos. Para finalizar, os participantes escribiron as súas reflexións do xogo nun debuxo dun cigarro que colocaron nunha cortiza dos pórticos.