A mestra e escritora Charo Golmar Saavedra visitou o colexio da Ponte, onde todo o centro educativo se implicou en traballar o seu libro de poemas “No bico do vento”. O alumnado de Educación Infantil fixo debuxos dalgúns dos seus poemas, o primeiro ciclo fixeron caligramas, o 2° ciclo representou, recitou e cantaron tamén o seu poemario. Un grupo de nenos e nenas de cuarto fíxolle unha entrevista sobre a súa vida e obras. No terceiro ciclo escenificaron as historias “Os bosques” e “Rolos de amizade”. En agradecemento, a autora regaloulles o poema “Ponte das estrelas” no que fai referencias ás distintas pontes que podemos atopar e con alusión directa ao colexio.